Mayın 4-də ADA Universiteti tərəfindən “Hacı Zeynalabdin Tağıyev mükafatı”nın təqdimat mərasimi keçirilib. Mərasim Hacı Zeynalabdin Tağıyevin Mərdəkanda yerləşən bağ evində baş tutub. Mükafat hər il ADA Universitetinin tələbə icmasının “ən sosial məsuliyyətli vətəndaşları”na verilir.

Təqdimat mərasimində Milli Azərbaycan Tarixi Muzeyinin direktoru, akademik Nailə Vəlixanlı və elmi işlər üzrə direktor müavini, tarix elmləri doktoru Fərhad Cabbarov iştirak ediblər.

Tədbirdə çıxış edən F.Cabbarov H.Z.Tağıyevin xeyriyyəçilik fəaliyyətindən danışıb, onun Azərbaycanda təhsilin və maarifin inkişafındakı xidmətlərindən bəhs edib.

Sonda qalib olan layihələrin adları jüri nümayəndələri tərəfindən açıqlanıb.