Milli Azərbaycan Tarixi Muzeyində "Arxeo" klubun təşkilatçılığı ilə H.Mahmudbəyov adına 2 nömrəli texniki humanitar liseyinin şagirdlərinə “Azərbaycan ibtidai icma quruluşu dövründə” adlı məşğələ keçirilib.

Arxeo klubun rəhbəri, muzeyin əməkdaşı Esmira Rəhimova şagirdlərə klubun tarixi haqqında ətraflı məlumat verib. E.Rəhimova qeyd edib ki, “Arxeo” klubun yaradılmasında əsas məqsəd gənclərə milli-mənəvi dəyərlərimizi sevdirmək, onların arxeoloji irsimiz haqqında təsəvvürlərini zənginləşdirməkdir. Daha sonra Muzeyin Arxeologiya elmi fond şöbəsinin müdiri, t.ü.f.d., dos. Nasir Quluzadə şagirdlərə  “Azərbaycan ibtidai icma quruluşu dövründə” mövzusunda məruzə edib. N.Quluzadə məruzəsində Azıx, Tağlar, Damcılı, Çalağantəpə, Kültəpə, İsmayılbəytəpə və digər abidələrdən tapılmış maddi nümunələr haqqında ətraflı məlumat verib.

Sonda şagirdlərin sualları ətraflı cavablandırılıb.