Azərbaycan Respublikasının Prezidenti İlham Əliyevin Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi haqqında Sərəncamına əsaslanaraq Milli Azərbaycan Tarixi Muzeyində 1 iyun - Uşaqların Beynəlxalq Müdafiəsi Gününə həsr olunmuş “Güllərin söhbəti” adlı tədbir keçirilib.
Tədbirdə 132-134 №li təhsil kompleksinin 8-ci sinif şagirdi, “Uni Kids Club”un üzvü Musayeva Aylin tədbirin aparıcısı qismində çıxış edib.
Konsertdə uşaqlar üçün müxtəlif videoçarxlar, “Həyat” rəqs qrupunun üzvü İbrahimova Fatimənin ifasında “Ağ çiçəyim” rəqsi, həmin qrupun üzvlərinin ifasında “Lalələr” rəqsi, Abdullazadə Selcan və Süleymanova Nərminin ifasında “İki gözəl gülün - Xarıbülbül və Qızılgülün söhbəti” kompozisiyası, “Bloomy School”un şagirdi Hüseynova Nilayın ifasında “Xarıbülbül” rəqsi nümayiş olunub, “Uni Kids Club”un üzvlərinin ifasında isə güllərə həsr olunan şeirlər səsləndirilib.
Qeyd edək ki, tədbirin bədii rəhbəri muzeyin İnnovasiyalar və təhsil proqramları şöbəsinin baş mütəxəssisi Nigar Əhmədlidir.
Sonda “Uni Kids Club”un üzvləri tərəfindən çəkilən, “Yaşıl dünya naminə həmrəylik ili”nə həsr edilmiş rəsmlərdən ibarət sərgiyə baxış keçirilib və muzeyin İnnovasiyalar və təhsil proqramları şöbəsinin müdiri Fəridə Şəmsi tərəfindən iştirakçılara sertifikat təqdim olunub.
