Bu gün tanınmış Azərbaycan şairi, tərcüməçisi və pedaqoqu Mikayıl Müşfiqin anadan olmasından 116 il ötür. Mikayıl Müşviq 5 iyun 1908-ci ildə Bakıda ziyalı ailəsində anadan olub. Azərbaycan poeziyasının inkişafında böyük rolu olmuş Mikayıl Müşfiq sevgi və gözəlliyi tərənnüm edən bir çox şeirlərin müəllifidir.

1938-ci ildə repressiya qurbanı olan Mikayıl Müşfiq 1956-cı il mayın 23-də SSRİ Ali Məhkəməsinin Hərbi kollegiyasının qərarına əsasən ölümündən sonra bəraət alıb.

Qeyd edək ki, Milli Azərbaycan Tarixi Muzeyinin Sənədli mənbələr fondunda Mikayıl Müşfiqə aid fotoşəkillər qorunur.

Təqdim olunan fotoşəkildə Mikayıl Müşfiq, Azərbaycan Ali Pedaqoji İnstitutunun müəllim və tələbələri, Azərbaycanın ictimai xadimi, ədəbiyyatşünas, şair Bəkir Çobanzadə (əyləşib),  XIX-XX əsrin əvvəllərində fəaliyyət göstərmiş maarifçi, pedaqoq, publisist, etnoqraf Teymur bəy Bayraməlibəyovun qızı Təhminə Bayraməlibəyova təsvir olunub (ikinci sırada sağda əyləşib).