Bu gün, Əməkdar elm xadimi, akademik Məmməd Arif Dadaşzadənin anadan olmasından 120 il ötür. Məmməd Arif Dadaşzadə 1904-cü il iyunun 10-da Bakıda anadan olub. M.A.Dadaşzadə Azərbaycan Dövlət Universitetinin Şərqşünaslıq fakültəsində təhsil alıb. Azərbaycanın ədəbi tənqid və ədəbiyyatşünaslığının təməlini qoymuş alimlərdən biri olan M.A.Dadaşzadə  iki dəfə “Qırmızı əmək bayrağı” ordeni, “Qabaqcıl maarif xadimi” nişanı ilə təltif edilib və Dövlət mükafatı laureatı olub. Akademik Məmməd Arif Dadaşzadə 1975-ci ildə vəfat edib.

Qeyd edək ki, Milli Azərbaycan Tarixi Muzeyinin Sənədli mənbələr fondunda akademik Məmməd Arif Dadaşzadəyə aid materillar qorunur (fotoşəkil, təbrik məktubu).