Azərbaycan Respublikası Mədəniyyət Nazirliyinin təşkilatçılığı ilə 10-14 iyun tarixlərində Özbəkistanda Azərbaycan Mədəniyyəti Günləri keçirilib. Tədbirdə hər iki ölkənin nazirləri, mədəniyyət və incəsənət xadimləri, eyni zamanda Milli Azərbaycan Tarixi Muzeyinin direktoru, akademik Nailə Vəlixanlı iştirak edib. Tədbir çərçivəsində Azərbaycan mədəniyyətini, tarixini əks etdirən maddi-mədəni nümunələr ictimaiyyətə təqdim olunub. Tədbirin keçirilməsində məqsəd Azərbaycan Respublikası və Özbəkistan Respublikası arasında dostluq münasibətinin, hər iki ölkənin mədəniyyət və incəsənətinin, xalqlarımız arasında əlaqələrin möhkəmləndirilməsidir.