Milli Azərbaycan Tarixi Muzeyində Azərbaycan Turizm Blogerləri Assosiasiyasının üzvləri üçün infotur təşkil edilib. İnfotur çərçivəsində assosiasiyanın üzvləri muzeyin yeni ekspozisiyasını ziyarət ediblər. Azərbaycanın ən qədim dövrlərindən bu günə qədərki tarixini əks etdirən unikal artefaktlar, interaktiv masalar və 3D holoqramlarla zənginləşdirilmiş ekspozisiyaya təşkil olunan infoturda 10 bloger iştirak edib və yeni ekspozisiya onların böyük marağına səbəb olub. Eyni zamanda blogerlər muzeyin təbliğatı məqsədilə sosial şəbəkələrdə öz rəsmi səhifələrində videoçarxlar çəkərək, paylaşıblar.