1875-ci ilin 22 iyul tarixində maarifçi, publisist, pedaqoq Həsən bəy Zərdabinin təsisçisi olduğu "Əkinçi" qəzetinin çap edilməsi ilə Azərbaycan Milli Mətbuatının əsası qoyuldu və xalqımızın milli dirçəlişi üçün yeni bir dövr başladı. "Əkinçi" qəzeti 1875-ci ilin 22 iyul tarixindən 1866-ci ilin 29 sentyabr tarixinə qədər ayda iki dəfə- 300-400 tirajla nəşr olunub. Həmin qəzetdə dövrün görkəmli alim və ziyalılarının- Nəcəf bəy Vəzirovun, Moskvadan Əsgər ağa Goraninin, Məhəmmədtağı Əlizadə Şirvaninin, Dərbənddən Heydərinin göndərdiyi məktublar, Seyid Əzim Şirvaninin şeirləri və Mirzə Fətəli Axundzadənin "Vəkili-naməlumi millət" imzası ilə məqalələri dərc olunub. Qəzet iki il fəaliyyət göstərməsinə baxmayaraq xalqın milli və müasir ruhda formalaşmasında böyük rolu olub.
Əlamətdar günlə bağlı Milli Azərbaycan Tarixi Muzeyinin yeni ekspozisiyasından Azərbaycanın mətbuat tarixini əks etdirən eksponatları təqdim edirik.
