18 dekabr 2000-ci il tarixində Ulu Öndər Heydər Əliyevin Sərəncamına əsasən, avqustun 2-si kino işçilərinin peşə bayramı - Azərbaycan Kinosu Günü elan edilib.
Azərbaycan kinosunun yaranması ilk dəfə 1898-ci ildə Bakıda kinosüjetlərin kütləvi nümayişi ilə başlayıb.
Fotoqraf Aleksandr Mişonun 1898-ci il avqustun 2-də lentə aldığı "Bibiheybətdə neft fontanı yanğını", "Əlahəzrət Buxara əmirinin yolasalma mərasimi", "Qafqaz rəqsi" xronikal sənədli və "İlişdin" adlı bədii süjetli filmləri müstəqil nümayiş etdirməsi Azərbaycan Kinosunun yaranma günü sayılır.
Əlamətdar günlə bağlı Azərbaycan kinosuna aid Milli Azərbaycan Tarixi Muzeyinin Sənədli mənbələr fondunda qorunan materialları təqdim edirik. Nümunələr arasında "Azərbaycan kinomatoqrafiyası" (1974), "Ümumittifaq kinofestivalları" (1974) bukletləri, Bakıda keçirilən VII Ümumitiffaq kinofestivalında təşkil edilən "Yoldaş kino" konsertinin programı (1974), "Dədə Qorqud" (Sönmüş tonqalların işığı) , "Səmt küləyi" (1973), "Ürək, Ürək" (1976) bədii filmlərinin fotoşəkilləri yer alır.