Bu gün, 1 sentyabr Bakı milyonçusu, xeyriyyəçi, neft sənayeçisi, ictimai xadim Hacı Zeynalabdin Tağıyevin vəfatının 100-cü ildönümüdür. Böyük neft sahibkarı H.Z.Tağıyev Azərbaycan cəmiyyətinin maariflənməsi, sosial-iqtisadi cəhətdən inkişaf etdirilməsi yolunda müstəsna xidmətlər göstərib. H.Z.Tağıyevin bu istiqamətdə fəaliyyəti və cəmiyyətə olan qayğısı hər zaman böyük ehtiramla xatırlanır.
2007-ci ildən etibarən mesenat H.Z.Tağıyevin xatirəsinin əbədiləşdirilməsi məqsədi ilə Milli Azərbaycan Tarixi Muzeyində “H.Z.Tağıyevin ev-muzeyi“ fəaliyyət göstərir. Milli Azərbaycan Tarixi Muzeyi ölkəmizdə H.Z.Tağıyevin irsini araşdıran və onu təbliğ edən əsas elmi və mədəni mərkəzdir.