Milli Azərbaycan Tarixi Muzeyində Zəngi liseyinin şagirdlərinə muzeyin unikal eksponatlarla zənginləşdirilmiş ekspozisiyasında interaktiv və ustad dərsləri keçirilib. Muzeyin “İbtidai icma cəmiyyətinin yaranması. Daş dövrü” və “Tunc və erkən dəmir dövrləri” zallarında İnnovasiyalar və təhsil proqramları şöbəsinin kiçik elmi işçisi İlahə Sarıyeva tərəfindən “İbtidai insanın tarixi mədəniyyəti” adlı mövzuda interaktiv dərs keçirilib. Dərs iki hissədən - ekskursiya və intellektual oyundan ibarət olub.
Daha sonra şagirdlərə muzeyin eksponatına oxşar küp formalı gips fiqurunun rənglənməsi qaydası öyrədilib. Həmçinin, şagirdlər müxtəlif əyləncəli oyunlar oynayıb, pazllar qurublar.