Tanınmış arxeoloq, Şimali Kipr Türk Respublikasının Arkın Yaradıcı Sənətlər və Dizayn Universitetinin professoru Latife Summerer tərəfindən Milli Azərbaycan Tarixi Muzeyində “Muzeyşünaslıq, arxeologiya və mədəni irsin qorunması” mövzusunda təlim keçirilib.
Təlimdə muzey əməkdaşları ilə yanaşı, Azərbaycan Dövlət Memarlıq və İnşaat Universitetinin müəllim və tələbə heyəti iştirak ediblər.
Təlim zamanı “Muzey pedaqogikası”, “Arxeologiya və turizm”, “Turizm üçün qorunan ərazilərin açılması”, “Muzeylərin təhsildə rolu” adlı mövzular üzrə müzakirə aparılıb və suallar Latife Summerer tərəfindən ətraflı cavablandırılıb.
Daha sonra muzeyin ekspozisiya zallarında iştirakçılar üçün eksponatların təqdimatı mövzusunda praktiki təlim baş tutub.
Sonda xatirə fotosu çəkilib.
