Orta əsr Ağsu şəhərinin Dövlət Tarix-Mədəniyyət Qoruğunun təşkilatçılığı ilə seminar keçirilib (onlayn). Seminarda Milli Azərbaycan Tarixi Muzeyinin Numizmatika fondunun böyük elmi işçisi, t.ü.f.d Aygün Məmmədova “Ağsuda aşkarlanan numizmatik tapıntılar” adlı məruzə ilə çıxış edib. A.Məmmədova Milli Azərbaycan Tarixi Muzeyinin Numizmatika fondunda qorunan, Ağsu rayonunun Nüydi və Xatman kəndlərində tapılmış sikkə dəfinələri haqqında məlumat verib. Tədqiqatçı çıxışında Nüydi dəfinəsindəki gümüş drahmalar (e.ə. II-I ə.; çəkisi 2 - 3 q) və Xatman dəfinəsindəki gümüş abbasıların (XVIII əsrin sonu; çəkisi 2,6 q) tipologiyası, çəkisi, metroloji göstəriciləri, pul təsərrüfatındakı rolu ilə yanaşı məruzədə həm də belə tapıntıların müasir dövrümüzdə qorunması, təbliğinin vacibliyi xüsusi vurğulayıb.
Məruzə iştirakçılar tərəfindən maraqla qarşılanıb, verilən suallar ətraflı cavablandırılıb.
