Milli Azərbaycan Tarixi Muzeyində “Elmi macəralar saatı” layihəsi çərçivəsində Bakı İstanbul liseyinin və Zəngi liseyinin şagirdlərinə “Zəhmət ilə gələn zinət. Dərsimiz - Hacı Zeynalabdin” adlı interaktiv və ustad dərsləri keçirilib.

İki hissədən ibarət olan dərsin birinci hissəsi məşhur xeyriyyəçi H.Z.Tağıyevin ev-muzeyində keçirilib. Ekskursiya zamanı muzeyin Foto-neqativ materialları fondunun müdiri Afət Kərimova, İnnovasiyalar və təhsil proqramları şöbəsinin əməkdaşları - baş mütəxəssis Aynur Babayeva, həmin şöbənin baş mütəxəssisi Qənirə Qafarlı və kiçik elmi işçi İlahə Sarıyeva şagirdlərə H.Z.Tağıyevin həyat və fəaliyyəti, daha sonra muzeyin yerləşdiyi bina, H.Z.Tağıyevin ev- muzeyinin arxitekturası haqqında ətraflı məlumat veriblər. Dərsin ikinci hissəsində şagirdlər üçün kvest şəklində intellektual oyun təşkil olunub.

Sonda şagirdlərə ustad dərsi keçirilib, buta formalı gips fiqurunun rənglənməsi qaydası öyrədilib.