Şotlandiya Mayakları muzeyinin direktoru Lynda McGuigan, “Bakı Beynəlxalq Dəniz Ticarət Limanı” QSC-nin Dəniz xidmətləri deparamentinin müdir müavini Rizvan Nəzərov Milli Azərbaycan Tarixi Muzeyini ziyarət ediblər. Muzeyin direktoru, akademik Nailə Vəlixanlı qonaqları muzeydə görməkdən məmnun olduğunu bildirib.
Ekspozisiyada nümayiş olunan nadir, tarixi əhəmiyyətli eksponatlar qonaqların marağına səbəb olub. Lynda McGuigan Azərbaycan tarixinin müxtəlif dövrlərini əks etdirən eksponatların peşəkarlıqla qorunmasını və təqdimatını yüksək qiymətləndirib.
Görüş zamanı hər iki ölkə arasında elmi tədqiqatlar, təcrübə mübadiləsi, birgə sərgi layihələri üzrə əməkdaşlıq və mədəni əlaqələrin inkişafı barədə söhbət aparılıb.