Milli Azərbaycan Tarixi Muzeyində "Bakı haqqında mühazirələr" layihəsi çərçivəsində muzeyə ekskursiya, “Zəhmət ilə gələn zinət. Dərsimiz - Hacı Zeynalabdin” adlı interaktiv və ustad dərsləri keçirilib.
İki hissədən ibarət olan dərsin birinci hissəsində iştirakçılara Milli Azərbaycan Tarixi Muzeyinin ekspozisiyasında ekskursiya aparılıb. Sonra muzeyin yerləşdiyi bina, H.Z.Tağıyevin ev muzeyinin arxitekturası və H.Z.Tağıyevin həyat və fəaliyyəti haqqında ətraflı məlumat verilib. Daha sonra iştirakçılar üçün intellektual oyun təşkil olunub. Ustad dərsində isə iştirakçılar küp formalı gips fiqurunun rənglənməsi qaydasını öyrəniblər .