Milli Azərbaycan Tarixi Muzeyinin Bərpa laboratoriyasının müdiri, rəssam və heykəltəraş Ərəstun Şahverdiyev nüfuzlu WEIP (World Environmental and Industrial Perspectives) jurnalına ("İncəsənətin xilaskarı" layihəsi çərçivəsində) geniş müsahibə verib. Ə.Şahverdiyev müsahibədə texnologiyanın sənətkarlıq və mədəni irsin qorunması sahəsinə təsirini dəyərləndirib.

Ərəstun Şahverdiyev bildirdi ki, müasir texnologiyalar bərpa işlərində inqilabi dəyişikliklərə səbəb olub. O qeyd edib ki, bu texnologiyalar sənətkarlığın mahiyyətini dəyişməsə də, iş prosesini optimallaşdırır və vaxt itkisinin qarşısını alır, lakin əl işinin yaratdığı ruhu əvəz edə bilmir. Müsahibədə Ə.Şahverdiyev rəssam və heykəltəraş olaraq texnologiyanın yaradıcılıq prosesində yeni üfüqlər açdığını vurğulayıb. Həmçinin müsahibədə muzeylərin mədəni irsin qorunmasında texnologiya vasitəsilə oynadığı rola diqqət çəkilib. Ə.Şahverdiyev deyib ki, rəqəmsallaşdırma və bərpa texnologiyalarının inkişafı gələcək nəsillər üçün tarixi və mədəni dəyərləri daha əlçatan edir.

Ətraflı keçiddə