Azərbaycan-Qazaxıstan Dostluq Cəmiyyətinin prezidenti Eldar Adıgözəlov Milli Azərbaycan Tarixi Muzeyini ziyarət edib. Muzeyin direktoru, akademik Nailə Vəlixanlı qonağı muzeydə görməkdən məmnun olduğunu bildirib. Akademik N.Vəlixanlı muzey haqqında ətraflı məlumat verib, eyni zamanda  Azərbaycan-Qazaxıstan əlaqələrini birləşdirən eksponatların muzeydə qorunduğunu və bu eksponatlar əsasında nəşrlərin çap olunduğunu vurğulayıb.

Sonra E.Adıgözəlov muzeyin yeni ekspozisiyası ilə tanış olub, Azərbaycan tarixinin müxtəlif dövrlərini əks etdirən eksponatların peşəkarlıqla qorunmasını və təqdimatını yüksək qiymətləndirib.