Milli Azərbaycan Tarixi Muzeyində “Zəhmət ilə gələn zinət. Dərsimiz - Hacı Zeynalabdin” adlı interaktiv dərs, “Şam ağacı” ustad dərsi və muzeyə ekskursiya keçirilib.  Dərsdə Bakı şəhəri 317 saylı tam orta məktəbin şagirdləri iştirak edib.

İki hissədən ibarət dərsin birinci hissəsində  muzeyin İnnovasiyalar və təhsil proqramları şöbəsinin baş mütəxəssisi Qənirə Qafarlı muzeyin yerləşdiyi bina, H.Z.Tağıyevin ev muzeyinin arxitekturası və H.Z.Tağıyevin həyat və fəaliyyəti haqqında ətraflı məlumat verilib. 

Sonra şagirdlər üçün intellektual oyun təşkil olunub və şam ağacı formasında gips fiqurunun rənglənməsi qaydası öyrədilib.

Daha sonra şagirdlər müxtəlif intellektual və əyləncəli oyunlar oynayıb, pazllar qurublar.

Sonda İnnovasiyalar və təhsil proqramları şöbəsinin kiçik elmi işçisi İlahə Sarıyeva tərəfindən muzeyin ekspozisiyasına ekskursiya təşkil olunub.