Rusiyanın Altay diyarının Barnaul şəhəri “Лукoморы” yaradıcılıq birliyinin əməkdaşı Volf Yelena Aleksandrovna Milli Azərbaycan Tarixi Muzeyini ziyarət edib. Qonağa muzeyin tarixi, kolleksiyaları və fəaliyyəti barədə ətraflı məlumat verilib. Muzeyin kolleksiyasında nümayiş etdirilən qədim arxeoloji tapıntılar, etnoqrafik materiallar və milli geyimlər qonağın xüsusi marağına səbəb olub. Mütəxəssis, həmçinin muzeyin Etnoqrafiya elmi fond şöbəsində olub və fondun gəlincik kolleksiyası ilə maraqlanıb. Gələcəkdə xalqlarımızın mədəni əlaqələri əsasında birlikdə maraqlı sərgilər keçirmək haqqında söhbət edilib. Sonra Yelena Aleksandrovna Azərbaycan xalqının tikmə sənəti numunələri əsasında hazırladığı suvenir və döş sancaqlarını muzeyə hədiyyə edib. Sonda xatirə fotosu çəkilib və qonağa muzeyin nəşrlərindən olan “Azərbaycan ailəsinin uşaq dunyası” adlı kitab-albom hədiyyə edilib.