XƏBƏRLƏR
XƏBƏRLƏR -
Mühüm hadisələr
06 Fevral, 2025
Muzeyin Vətən Müharibəsi fonduna yeni materiallar daxil olub

Milli Azərbaycan Tarixi Muzeyinin Vətən Müharibəsi fonduna Azərbaycan Xüsusi Təyinatlı Qüvvələrinin mayoru, şəhid Vüsal Vəliyevə aid şəxsi əşyalar (kitel, şalvar, iki ədəd fotoşəkil, Vüsal Vəliyev haqqında “525-ci qəzet” , “Hərbi and” qəzetlərində dərc olunan məqalələr və Sabrina Gültəkinin “Şəhid Vüsalın dastanı” adlı kitabı) daxil olub.

Vüsal Vəliyev 15 iyul 1988-ci il də Şərur rayonunun Dizə kəndində anadan olub. 2012-ci ildə Xüsusi Təyinatlı Qüvvələr təlimini uğurla başa vurub. Mayor Vüsal Vəliyev vətənə xidməti zamanı  “Azərbaycan Respublikası Silahlı Qüvvələrinin 95 illiyi (1928-2013) Yubiley medalı”, “Azərbaycan Ordusunun 100 illiyi (1918-2018) Yubiley Medalı”, “10 il Qüsursuz xidmətlərə görə” 3-cü dərəcəli medalı ilə təltif olunub. Vüsal Vəliyev Vətən Müharibəsi zamanı Şuşanın azadlığı uğrunda gedən döyüşlərdə iştirak edib,  noyabr ayının 9-da qəhramancasına şəhid olub. 14 dekabr 2020-ci il tarixində Şərur rayonundakı Şəhidlər Xiyabanında dəfn olunub.

Azərbaycan Respublikasının Prezidenti İlham Əliyev tərəfindən Vüsal Vəliyev ölümündən sonra “Vətən uğrunda”, “Kəlbəcərin azad olunmasına görə”, “İgidliyə görə” medalları və “Azərbaycan bayrağı” ordeni ilə təltif edilib.