Azərbaycan musiqisi qədim,  zəngin ənənələrə malikdir və əsas tərkib hissəsi isə milli musiqi alətləridir. Azərbaycan musiqi alətləri üç əsas qrupa bölünür: simli, nəfəs və zərb alətləri. Hər bir alət özünəməxsus səs tembri və ifa üslubu ilə seçilir.

Təqdim etdiyimiz tar 1890-cı ildə Rəştdə keçirilən “Muğam” müsabiqəsində tarzən Mirzə Fərəcə mükafat olaraq verilib.  Tarın çanağı və qolu tut ağacındandır, böyük çanağın 2 yan və baş tərəflərində sədəflə həkk edilmiş “Şiri-Xurşud” nişanı var.

Sözügedən eksponat hazırda Milli Azərbaycan Tarixi Muzeyinin ekspozisiyasında nümayiş olunur.