“Milli Azərbaycan Tarixi Muzeyi – 2024” növbəti elmi məqalələr toplusu (Bakı, “Aspoliqraf”, 2024) işıq üzü görüb. Muzeyin direktoru, akademik Nailə Vəlixanlının baş redaktoru olduğu bu toplu Muzeyin Elmi Şurasının qərarı ilə nəşr olunub.

Topluda “Tarix”, “Muzey materialları Vətən tarixinin öyrənilməsində mənbə kimi”, “Arxeologiya”, “Etnoqrafiya”, “Yubileylər” bölmələri üzrə muzey əməkdaşlarının və digər tədqiqatçıların, alimlərin elmi araşdırmalarından ibarət məqalələri dərc olunub (Azərbaycan və rus dillərində).

Milli Azərbaycan Tarixi Muzeyi tərəfindən hər il çap olunan toplu öz oxucularına qiymətli mənbə, tarix elminə dəyərli töhfə olaraq mühüm əhəmiyyət kəsb edir.