“Azərxalça” Açıq Səhmdar Cəmiyyəti, ICOM Azərbaycan Milli Komitəsinin və İçərişəhər Dövlət Tarix-Memarlıq Qoruğu İdarəsinin birgə təşkilatçılığı ilə incəsənətşünas Olqa Latışeva tərəfindən “Müasir incəsənətin təşviqində korporativ incəsənət kolleksiyaların rolu” adlı təlim keçirilib. Təlimdə Milli Azərbaycan Tarixi Muzeyinin əməkdaşları- muzey eksponatlarının qorunması və qeydiyyatı üzrə direktor müavini, baş mühafiz, t.ü.f.d., dosent Məhfuzə Zeynalova, Beynəlxalq əlaqələr və ictimaiyyətlə iş şöbəsinin müdiri Zümrüd İsmayılova, muzeyin meneceri Kubra Dadaşova iştirak ediblər. Təlimdə iştirakçılara Azərxalçanın müxtəlif rəssamlarla birgə layihələrinin təqdimatı haqqında geniş məlumat verilib. Proqram çərçivəsində iştirakçılar mövzu üzrə nəzəri biliklərlə tanış olub və əldə etdiyi bilikləri möhkəmləndirmək məqsədilə pratiki tapşırıqlarda iştirak ediblər.

Sözügedən təlim intensiv sessiya formatında keçirilb və biznes ilə müasir incəsənət arasında qarşılıqlı əlaqənin əsas aspektlərinə həsr olunub.

Sonda tədbir iştirakçıları sertifikatla təltif olunublar.