Milli Azərbaycan Tarixi Muzeyinin 105 illiyi ilə bağlı muzeyin ekspozisiyasında Bakı Dövlət Universitetinin Regionşünaslıq (Qafqazşünaslıq) ixtisası üzrə II kurs tələbələri üçün “Arxeo” klubun növbəti təlimi keçirilib.
Təlimdə muzeyin Arxeologiya elmi fond şöbəsinin müdiri, t.ü.f.d., dosent Nasir Quluzadə “Azərbaycanın arxeoloji irsinin öyrənilməsində, mühafizəsində və təbliğində Milli Azərbaycan Tarixi Muzeyinin rolu” adlı məruzə ilə çıxış edib. N.Quluzadə məruzəsində muzeyin fəaliyyətindən danışaraq, arxeoloji irsinin tədqiqi, fondlaşdırılması, elmi-pasportlaşdırılması barədə ətraflı məlumat verib. Həmçinin, muzeyin fondlarında qorunan nadir arxeoloji artefaktların ölkəmizin qədim tarixi və mədəni irsinin öyrənilməsində mühüm rolu olduğunu vurğulayıb.
Tədbirin sonunda tələbələr muzeyin ekspozisiyasında nümayiş etdirilən arxeoloji eksponatlarla tanış olublar.
