Bakı Dövlət Universitetində 18 aprel Beynəlxalq Abidələr və Tarixi Yerlər Gününə həsr olunmuş “Abidələr və tariximizin öyrənilməsində onların əhəmiyyəti” mövzusunda gənc tədqiqatçıların respublika elmi konfransı keçirilib. Konfransda Milli Azərbaycan Tarixi Muzeyinin əməkdaşları- Numizmatika fondunun müdiri Sənurə Dostiyeva, arxeologiya elmi fond şöbəsinin böyük elmi işçisi, t.ü.f.d. Aida İsmayılova, həmin şöbənin elmi işçisi Mircavid Ağalarov, kiçik elmi işçisi Arzu Mirzəhmədova, Azərbaycan tarixinin populyarlaşdırılması və ekskurisyaların təşkili şöbəsinin bələdçiləri Faiz Heydərov və Suğra Orucova məruzə ilə çıxış ediblər. Çıxışçılar tarixi abidələrin, arxeoloji artefaktların ölkəmizin qədim tarixi və mədəni irsinin öyrənilməsində mühüm rolu olduğunu vurğulayıblar.
Sonda konfrans iştirakçıları sertifikatla təltif olunublar.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.