Milli Azərbaycan Tarixi Muzeyində Azərbaycan Respublikası Prezidenti cənab İlham Əliyevin 2025-ci ilin “Konstitusiya və Suverenlik İli” elan olunması Sərəncamı çərçivəsində Azərbaycan Xalq Cümhuriyyətinin ilk Baş naziri, görkəmli dövlət xadimi Fətəli Xan Xoyskinin anadan olmasının 150 illiyinə həsr olunmuş “Cümhuriyyət Hökumətinə başçılığın Fətəli Xan Xoyski örnəyi” adlı seminar keçirilib.

Muzeyin İnnovasiyalar və təhsil proqramları şöbəsinin müdiri Fəridə Şəmsi və Bakı Dövlət Universitetinin Mənbəşünaslıq, tarixşünaslıq və metodika kafedrasının dosenti, t.ü.f.d. Arzu Xəlilzadə çıxış edərək, tədbirin əhəmiyyətindən bəhs ediblər. Sonra Azərbaycan Texniki Universiteti, Humanitar Fənlər kafedrasının dosenti, t.ü.f.d. Akif Nağı “1918-ci il 28 May: Milli müstəqilliyin tarixi günü”, Azərbaycan Texniki Universitetinin müəllimi Rəna Nəcəfova “Azərbaycan Xalq Cümhuriyyəti: Şərqin ilk demokratik respublikası”, Bakı Dövlət Universiteti və Azərbaycan Texniki Universitetinin müəllimi Nurdan Əsədova “Azərbaycan Xalq Cümhuriyyəti dövründə qadın haqları və seçki hüququ”, Bakı Dövlət Universitetinin müəllimi, doktorant Sürəyya Allahverdiyeva “Cümhuriyyət hökümətinin xarici siyasəti və beynəlxalq tanınma”, Bakı Dövlət Universiteti, doktorantı Balamirzə Məmmədli “Azərbaycan Xalq Cümhuriyyəti dövründə təhsil siyasəti”, Bakı Dövlət Universiteti, Tarix fakültəsinin 4-cü kurs tələbəsi Məşədiəlifağa Haxverdiyev “Azərbaycan dili dövlət dili olaraq: Cümhuriyyətin dil siyasəti”, Bakı Dövlət Universiteti, Tarix fakültəsinin 4-cü kurs tələbəsi İlyasova Fəridə “Fətəli xan Xoyski – Azərbaycan Xalq Cümhuriyyətinin qurucu lideri”, Bakı Dövlət Universitetinin Tarix fakültəsi, Mənbəşünaslıq, tarixşünaslıq və metodika kafedrasının II kurs magistrantı Emiliya Naşirova “Политический портрет Фатали-хана Хойского: Идеалы и реальность” (“Fətəli xan Xoyskinin siyasi portreti: ideallar və reallıq”), Azərbaycan Memarlıq və İnşaat Universitetinin nəzdində İnşaat Kollecinin tələbəsi Gunay Muradova “İstiqlal bəyannaməsi ve M.Ə.Rəsulzadənin gənclərə xitabəsi”, Azərbaycan Memarlıq və İnşaat Universitetinin nəzdində İnşaat Kollecinin tələbəsi Nərgiz Əliyeva “Cümhuriyyət dövründə qadınlar. Şəfiqə Əfəndizadə” adlı məruzələr ilə çıxış ediblər.

Tədbirin bədii hissəsində Azərbaycan Memarlıq və İnşaat Universitetinin nəzdində İnşaat Kollecinin tələbələrinin ifasında kiçik tamaşalar - “İstiqlal bəyannaməsi”, “Gəncədə Qurtuluş məclisi”, “Susqunluqdan gələn səda” nümayiş olunub.

Sonda iştirakçılar təşəkkürnamələr ilə təltif olunublar.