Azərbaycan Silahlı Qüvvələrinin əsgəri Murad Əflətov 2020-ci il sentyabrın 27-də başlayan Vətən Müharibəsi zamanı Cəbrayılın, Füzulinin və Şuşanın azadlığı uğrunda gedən döyüşlərdə iştirak edib. Azərbaycan Respublikasının Prezidenti İlham Əliyevin Sərəncamına əsasən Murad Əflətov müharibə zamanı göstərdiyi igidliyə görə “Cəbrayılın azad olunmasına görə”, “Füzulinin azad olunmasına görə” , “Şuşanın azad olunmasına görə” medalları ilə təltif edilib və ona "Vətən Müharibəsi Qəhrəmanı" fəxri adı verilib. O, həmçinin Heydər Əliyevin 100 illiyi (1923–2023) yubiley medalı ilə mükafatlandırılıb.

Azərbaycan Silahlı Qüvvələrinin əsgəri, Vətən Müharibəsi Qəhrəmanı Murad Əflətovun şəxsi əşyaları (iki ədəd fotoşəkil, Azərbaycan Xüsusi Təyinatlı Qüvvələrinə məxsus bir cüt hərbi səhra çəkməsi) muzeyin Vətən Müharibəsi fonduna təhvil verilib.

Qeyd edək ki, sözügedən materiallar muzeyin əməkdaşları- elmi katib, t.ü.f.d., dosent Sevinc Nəsirova, Sənədli mənbələrin elmi fond şöbəsinin müdiri Esmira Rəhimova və həmin şöbənin baş mütəxəssisi Nərmin Bağırova vasitəsilə muzeyə daxil olub.