“İnsan Hüquqları Aylığı” çərçivəsində 268 nömrəli məktəbdə təhsil alan, xüsusi qayğıya ehtiyacı olan uşaqlar üçün Milli Azərbaycan Tarixi Muzeyində xeyriyyə tədbiri təşkil olunub.

Tədbir çərçivəsində uşaqlar üçün muzeyin ekspozisiyasnda maarifləndirici ekskursiya təşkil olunub. Ekskursiya zamanı uşaqlara tarixi eksponatlar əsasında ölkəmizin zəngin keçmişi haqqında ətraflı məlumat verilib.

Daha sonra uşaqlar üçün maraqlı və interaktiv yaradıcılıq fəaliyyəti – buta formalı gips figurlar üzərində ustad dərsi keçirilib.

Tədbirin əsas məqsədi xüsusi qayğıya ehtiyacı olan uşaqların mədəni irsimizlə tanış olmaları, onların sosial inteqrasiyasına və yaradıcı inkişafına dəstək göstərmək olub. Xeyriyyə tədbiri uşaqlarda müsbət emosiyalar yaradaraq, onların bilik dairəsinin genişlənməsinə şərait yaradıb.