Milli Azərbaycan Tarixi Muzeyinin Etnoqrafiya fondunda XIX əsrə aid Türkiyə keramika nümunələri qorunur. Türk keramika sənətinin tarixi Qaraxanlılar dövründən başlayaraq Səlcuqlara qədər olan dövrü əhatə edir. Həmin dövrlərdə keramika əsasən memarlıqda geniş istifadə olunmuşdur. Osmanlı dövründə isə bu sənət yeni inkişaf mərhələsinə qədəm qoymuş, həm məişət, həm də dekorativ məqsədlərlə daha da geniş yayılmışdır.

XIX əsrdə istehsal edilən, yaşıl rəngli, qəhvəyi şirli, qabarıq gövdəli, uzun boyunlu və qıvrılmış qulplu bu qab özünəməxsus dizaynı və unikallığı ilə seçilir. Adətən, bu tip qablar “duckewer” (ördəksürahi) adlanırılırdı. Əşyaya zoomorf forma verilməsi isə qədim Türk və Osmanlı mədəniyyətində uğur nişanəsi kimi dəyərləndirilirdi. Həm funksional, həm də dekorativ məqsədlərlə istifadə olunan bu sürahi su və digər mayelərin saxlanılması ilə yanaşı, mərasim zamanı zərif təqdimat üçün seçilən maddi mədəniyyət nümunəsidir.

Sözügedən eksponat Osmanlı dövründə Çanaqqala şəhərində istehsal edilib.