Azərbaycan Milli Elmlər Akademiyası Arxeologiya və Antropologiya İnstitutu, “Miras” Mədəni İrsin Öyrənilməsinə Kömək İctimai Birliyi, İtaliyanın Beynəlxalq YOCOCU Assosiasiyası (Roma), Türkiyənin Adnan Menderes Universiteti (Aydın) və Şimali Makedoniyanın Qabaqcıl Tədqiqatlar Mərkəzinin (Skopye) birgə təşkilatçılığı ilə tanınmış alim, AMEA-nın müxbir üzvü, tarix elmləri doktoru, professor Vəli Əliyevin əziz xatirəsinə həsr olunmuş “Tarixi Yerlər və Abidələr” adlı V Beynəlxalq Bakı–Bayırşəhər Simpoziumu keçirilib.
Simpoziumda Milli Azərbaycan Tarixi Muzeyinin əməkdaşları -Arxeologiya elmi fond şöbəsinin böyük elmi işçisi t.ü.f.d., dos. Həbibə Əliyeva “Azərbaycan epiqrafik abidləri arasında hamamların rolu” və həmin şöbənin böyük elmi işçisi t.ü.f.d. Aida İsmayılova ”Orta əsrlərdə qloballaşma: Böyük İpək Yolu və Azərbaycan mədəni əlaqələr konteksində” adlı elmi məruzələrlə çıxış ediblər.
Tədbir çərçivəsində Türkiyəli mütəxəssislər Nadire Mine Yar və Celaleddin Küçük tərəfindən bərpa və konservasiyada istifadə olunan alət və materiallarla bağlı geniş təqdimat keçirilib.
Simpoziumda bir çox ölkələrdən ümumilikdə 60-a yaxın alim və tədqiqatçı elmi məruzələrlə iştirak edib.
