Fonda daxil olmuş sənədlər Azərbaycan Dövlət Universitetinin Şərqşünaslıq fakültəsinin məzunu, dilçi, filosof və pedaqoq Əhməd Hacıağa oğlu Kazımovun elmi və pedaqoji fəaliyyəti ilə bağlıdır. Toplanmış materiallar arasında alimin təhsilinə, əmək və elmi fəaliyyətinə dair sənədlər, şəxsi yazışmaları, vizit kartları, eləcə də fotoşəkilləri yer alır.Bu sənədlər kompleksi Əhməd Kazımovun həyat və yaradıcılıq yolunun, elmi axtarışlarının və ictimai mövqeyinin öyrənilməsi baxımından əhəmiyyətli mənbə kimi dəyərləndirilir. Xüsusilə, onun oxuduğu mühazirələrdən birinə aid afişa alimin elmi fəaliyyətinin istiqamətləri haqqında məlumat verir və repressiya dövrü ziyalı mühitinin tədqiqi üçün yeni faktiki mənbə kimi əhəmiyyət kəsb edir.