3-4 oktyabr 2025-ci il tarixlərində Quba şəhərində Soyqırımı Memorial Kompleksində “Qoruqlar və Muzeylər– Keçmişdən Gələcəyə Körpü” adlı III Quba Simpoziumu keçirilib. Simpoziumda Arxeologiya elmi fond şöbəsinin əməkdaşları, t.ü.f.d., dosent, böyük elmi işçi Həbibə Əliyeva “Milli Azərbaycan Tarixi Muzeyində qorunan epiqrafik abidələrin Azərbaycan tarixinin öyrənilməsində rolu”, t.ü.f.d. böyük elmi işçi Laçın Mustafayev “Maddi irsin tədqiqi və təbliği prinsipləri”, t.ü.f.d., böyük elmi işçi Aida İsmayılova “Beynəlxalq muzey etik standartları və Azərbaycan muzeyləri”, kiçik elmi işçi Arzu Mirzəhmədova “Milli Azərbaycan Tarixi Muzeyində arxeoloji kolleksiyaların mühafizəsi” mövzusunda məruzlələrlə çıxış ediblər. Muzeyin elmi katibi, t.ü.f.d., dosent Sevinc Nəsirova Simpoziumun təşkilatçılığında yaxından iştirakına görə təltif olunub. Məruzələr maraqla qarşılanıb, mövzular ətrafında suallar cavablandırlıb.

Sonda Quba şəhərində Soyqırımı Memorial Kompleksi tərəfindən simpoziumun təşkilatçılığında yaxından iştirakına görə muzeyin elmi katibi, t.ü.f.d., dosent Sevinc Nəsirova və məruzələrlə çıxış etdiklərinə görə digər iştirakçılar sertifikatla təltif olunublar.