Milli Azərbaycan Tarixi Muzeyinin İnnovasiyalar və Təhsil Proqramları şöbəsinin baş mütəxəssisi Qənirə Qafarlı muzeyin 105 illiyi münasibətilə Seyid Cəfər Pişəvəri adına Respublika Humanitar Fənlər Gimnaziyasında “Milli Azərbaycan Tarixi Muzeyində qorunan dəyərlərimiz” mövzusunda mühazirə oxuyub.
Tədbir zamanı şagirdlərə muzeydə qorunan, xalqımızın mənəvi dəyərlərini, tariximizin zəngin irsini təbliğ edən eksponatlar haqqında geniş məlumat verilib.
İnteraktiv şəkildə keçirilən görüşdə muzeyin maarifləndirici missiyası, muzeylə məktəb arasında əməkdaşlığın əhəmiyyəti vurğulanıb. Şagirdlər mövzu ilə bağlı maraqlı suallar səsləndirib və öz təəssüratlarını bölüşüblər.
Tədbirin sonunda gimnaziyanın direktoru İlqar Talıbova Milli Azərbaycan Tarixi Muzeyinin “XIX–XX əsrin əvvəllərində Azərbaycanda təhsil” adlı kataloqu təqdim olunub.
