Milli Azərbaycan Tarixi Muzeyində Azərbaycan Respublikasının Müstəqilliyinin Bərpası Gününə həsr olunmuş açıq dərs keçirilib.
Tədbirdə Seyid Cəfər Pişəvəri adına Respublika Humanitar Fənlər Gimnaziyasının şagirdləri iştirak ediblər.
Dərs zamanı şagirdlərə 1918-ci il İstiqlal Bəyannaməsi və 1991-ci il “Azərbaycan Respublikasının dövlət müstəqilliyi haqqında” Konstitusiya Aktı barədə ətraflı məlumat verilib.
Sonra Azərbaycan Cümhuriyyətinin yaranması, dövlət atributlarının təsis edilməsi, eləcə də 1991-ci ildə müstəqilliyin bərpası ilə bağlı tarixi hadisələr haqqında əyani nümunələr və eksponatlar əsasında geniş söhbət aparılıb.
Tədbirin məqsədi gənc nəslə dövlətçilik ənənələrimizi, müstəqilliyin əldə olunması və qorunmasının əhəmiyyətini aşılamaq, milli kimlik və vətənpərvərlik duyğularını möhkəmləndirməkdən ibarət olub.