Bu il Azərbaycan xalqının Böyük Zəfərinin 5-ci  ildönümü qeyd olunur. 27 sentyabr 2020-ci il tarixində Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Azərbaycan Silahlı Qüvvələrinin qazandığı tarixi qələbə nəticəsində torpaqlarımız 30 illik işğaldan azad edildi. Ölkəmizin işğal altında olan ərazilərinin böyük bir hissəsinin, xüsusilə 8 noyabr tarixində Şuşanın düşmən tapdağından azad olunması müharibənin taleyində həlledici rol oynadı. Prezident İlham Əliyevin Sərəncamına əsasən, 8 noyabr hər il ölkəmizdə Zəfər Günü kimi qeyd olunur.

Xatırladaq ki, 2021-ci ildən Milli Azərbaycan Tarixi Muzeyində şanlı Qələbəmizin əbədiləşdirilməsi məqsədilə Vətən Müharibəsi fondu fəaliyyət göstərir. Fondda şəhid və qazilərimizə məxsus 3000-dən çox şəxsi əşya toplanıb.

Əlamətdar gün münasibətilə muzeyin ekspozisiyasının Zəfər zalında nümayiş olunan eksponatları təqdim edirik.