Azərbaycan Respublikasının Prezidenti cənab İlham Əliyevin Seyid Əzim Şirvaninin 190 illik yubileyinin keçirilməsi haqqında müvafiq Sərəncamına uyğun olaraq, Bakı Şəhər Mədəniyyət Baş İdarəsinin təşkilatçılığı ilə Səbail Rayon Mərkəzləşdirilmiş Kitabxana Sisteminin Mərkəzi Kitabxanasında “Şamaxıdan doğan günəş: S.Ə.Şirvani-190” adlı tədbir keçirilib.
Tədbirdə muzeyin Azərbaycan tarixinin elmi tədqiqi və təqdimi şöbəsinin əməkdaşı, dosent Əli Fərhadov “S.Ə.Şirvaninin yaradıcılığında milli-dini məsələlər” mövzusunda məruzə edib. Ə.Fərhadov məruzəsində mütəfəkkirin həyat və yaradıcılığı, dini və dünyəvi maarifçilik, qadın haqları və islamda vəhdət görüşlərindən bəhs edib. Həmçinin xurafat və mövhumatçılıq, şah rejimi əleyhinə mübarizəsi haqqında məlumat verilib.
Məruzə maraqla qarşılanıb, verilən suallar ətraflı cavablandırılıb.
Tədbirdə kitabxana əməkdaşları, o cümlədən, AMEA-nın müxtəlif institutlarının alimləri, universitetlərin, orta məktəblərin müəllimləri iştirak ediblər.
