Azərbaycan Milli Xalça Muzeyində təqdim olunan “Sənət və silah: ənənəvi Azərbaycan silahları rəssamların gözü ilə” adlı sərgidə Milli Azərbaycan Tarixi Muzeyinin bərpaçı-rəssamı Əjdər Qafarovun “Döyüş əsləhələri” adlı əsəri nümayiş olunub. Əjdər Qafarovun sərgidə təqdim edilən əsəri Azərbaycan ənənəvi silah sənətinin bədii ifadə imkanlarını nümayiş etdirməsi ilə xüsusilə diqqət çəkib. Onun işi həm tarixi silahların estetik dəyərini vurğulayıb, həm də milli ornamentlərin incəliklərini müasir rəssamlıq yanaşması ilə birləşdirib.
Muzey əməkdaşları və sənətsevərlər tərəfindən rəğbətlə qarşılanan əsər Azərbaycan silahçılıq ənənələrinin sənətdə təcəssümünün parlaq nümunələrindən biri kimi dəyərləndirilib.Eyni zamanda, sərgidə nümayiş olunan digər rəssamların əsərləri də diqqət çəkib. Rəssamların bəziləri Milli Azərbaycan Tarixi Muzeyində qorunan eksponatlardan ilhamlanaraq həmin nadir nümunələrin rəsmlərini hazırlayıblar.
Sərginin sonunda Əjdər Qafarov sertifikatla təltif olunub.
