Aqil Quliyev 2000-ci il dekabrın 3-də Bərdə şəhərində anadan olub. Gənc yaşlarından Vətənə sevgi, torpağa bağlılıq və xidmət ruhu ilə böyüyən Aqil Quliyev 2020-ci ildə Vətən Müharibəsində iştirak edərək ən çətin döyüş tapşırıqlarını yerinə yetirib. Göstərdiyi şücaət və fədakarlıqla seçilən Aqil Quliyev 2020-ci il noyabrın 8-də Şuşa istiqamətində gedən döyüşlər zamanı qəhrəmancasına şəhid olub.

Azərbaycan Respublikasının Prezidenti İlham Əliyevin müvafiq Sərəncamına əsasən Aqil Quliyev ölümündən sonra “Vətən Uğrunda”, “Füzulinin azad olunmasına görə”, “Xocavəndin azad olunmasına görə” və “Şuşanın azad olunmasına görə” medalları və 3-cü dərəcəli “Vətənə xidmətə görə” ordeni ilə təltif edilib.

Şəhid Aqil Quliyevə aid Milli Azərbaycan Tarixi Muzeyinin Vətən Müharibəsi fondunda qorunan şəxsi əşyalarını (hərbi səhra geyim dəsti,kitel,şalvar, köynək,kəmər və beret, uzunboğaz çəkmə, sənədlər,fotoşəkillər, ağac maket,suvenir) təqdim edirik.