Azərbaycan Ordusunun giziri, Vətən Müharibəsinin şəhidi Cavid Sahratov 1981-ci il dekabrın 23-də Yardımlı rayonunun Əsədabad kəndində anadan olub. 1989-1999-cu illərdə Əsədabad kənd tam orta məktəbində təhsil alıb. Cavid Sahratov 2000-2002-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2016-cı ilin 2-5 aprel tarixlərində baş verən Aprel döyüşlərində iştirak edib. Cavid Sahratov Vətən Müharibəsi zamanı Cəbrayıl və Füzuli istiqamətində gedən döyüşlərdə iştirak edib, oktyabrın 9-da Füzuli uğrunda gedən döyüşlər zamanı qəhrəmancasına şəhid olub.
Azərbaycan Respublikasının Prezidenti İlham Əliyev tərəfindən ölümündən sonra “Vətən uğrunda”, “Cəbrayılın azad olunmasına görə”, “Füzulinin azad olunması uğrunda”, “Azərbaycan bayrağı” medalları ilə təltif edilib.
Şəhid gizir Cavid Sahratovun şəxsi əşyaları (hərbi səhra geyimi-kitel, şalvar və sviter, sənədlər, fotoşəkil) muzeyin Vətən Müharibəsi fondunda qorunur.
