Bakı Dövlət Universiteti (BDU) Tarix fakültəsinin təşkilatçılığı ilə “Türk dünyası: ortaq tarixi-mədəni dəyərlər, müasir reallıqlar və gələcəyə baxış” mövzusunda II Beynəlxalq elmi konfrans keçirilib.
Konfransda Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsinin müdiri t.e.d. Nərgiz Əliyeva “Türkdilli xalqların tarixi-mədəni əlaqələrinin sərgilərdə əksi”, həmin şöbənin əməkdaşları- t.ü.f.d., dosent Tural Şiriyev “Orta əsrlərdə Azərbaycanda bəzi ictimai tikililərin etnoqrafik xüsusiyyətləri haqqında” , t.ü.f.d., dosent Əli Fərhadov “Qacarlar dövründə demokratik haqlar uğrunda mübarizə: Mirzə Yusif xan Təbrizi nümunəsi”, Arxeologiya elmi-fond şöbəsinin böyük elmi işçisi, t.ü.f.d. Aida İsmayılova “Azərbaycanın Səlcuqlu dövrü torevtika məmulatının ortaq türk mədəniyyət sistemində yeri” həmin şöbənin kiçik elmi işçisi Arzu Mirzəhmədova “Orta əsr Beyləqan şəhərinin Səlcuq dövrü keramikasının rəqəmsallaşdırılması və mühafizəsi” adlı məruzələrlə çıxış ediblər.
Məruzələr maraqla qarşılanmış, verilən suallar ətraflı cavablandırılmışdır. Konfrans materiallarının nəşr olunması nəzərdə tutulub.