Tural Xudiyev 27 noyabr 1998-ci ildə Bakı şəhərində anadan olub. 2019-cu ildən etibarən Xüsusi Təyinatlı Qüvvələrin tərkibində Ağcabədi və Cəlilabad rayonlarında yerləşən hərbi hissələrdə xidmət edib. Tural Xudiyev 27 sentyabr 2020-ci ildə başlayan Vətən Müharibəsi zamanı Kəlbəcər, Xocavənd və Şuşa istiqamətlərində gedən döyüşlərdə iştirak edib, 8 noyabr 2020-ci ildə Şuşa uğrunda gedən döyüşlərdə qəhrəmancasına şəhid olub. Azərbaycan Respublikasının Prezidenti İlham Əliyevin Sərəncamına əsasən Tural Xudiyev ölümündən sonra “Hərbi xidmətdə fərqlənməyə görə” III dərəcəli, “Vətən uğrunda”, “Cəsur döyüşçü”, “Şuşanın azad olunmasına görə”, “Kəlbəcərin azad olunmasına görə”, “Xocavəndin azad olunmasına görə” medalları və III dərəcəli “Rəşadət” ordeni ilə təltif edilib.
Şəhidə məxsus kittel, qol saatı, isimlik, qoşun növü nişanı, döş nişanı, jeton-boyunbağı, qələm, diplomlar və fotoşəkillər Milli Azərbaycan Tarixi Muzeyinin Vətən Müharibəsi fonduna daxil edilib.