Milli Azərbaycan Tarixi Muzeyində LANDAU School-un 3TA, 3AB, 3AC və 3TB siniflərinin şagirdləri üçün “Zəhmət ilə gələn zinət. Dərsimiz – Hacı Zeynalabdin” adlı növbəti interaktiv, həmçinin “Boyalı küp” və “Buta” adlı ustad dərsləri keçirilib. Iki hissədən ibarət dərsin birinci hissəsində şagirdlərə H.Z.Tağıyevin həyat fəaliyyəti, muzeyin yerləşdiyi bina və onun memarlıq xüsusiyyətləri barədə məlumat verilib. İkinci hissədə şagirdlər üçün intellektual oyun təşkil edilib. “Boyalı küp” və “Buta” ustad dərslərində isə şagirdlərə küp və buta formasında gips fiqurlarının rənglənmə qaydaları öyrədilib, iştirakçılar təqdim olunan fiqurları yaradıcılıqla rəngləyiblər.

Sonda şagirdlər Muzeyin ekspozisiyası ilə tanış olublar.