Milli Azərbaycan Tarixi Muzeyinin Kitabxanasının Nadir kitablar fondunda “Ensiklopediyadan Türkiyəyə aid məqalələr” (Статьи из энциклопедии принадлежащие Турции) adlı kitabın nadir nüsxəsi mühafizə olunur. Nəşr tarixçi alim Semon Başilov tərəfindən tərcümə edilib və iki cilddən ibarətdir. Kitab 1769-cu ildə Sankt-Peterburq şəhərində çap olunub.
Nəşrin birinci cildində XVII əsrin ikinci yarısında Osmanlı sarayının təsviri, dövlət quruluşu, hərbi sahə, sosial-iqtisadi vəziyyət, dövlət idarəetmə sistemi və adət-ənənələr haqqında geniş və maraqlı məlumatlar yer alır.
Adından da göründüyü kimi, bu nəşr klassik ensiklopediya xarakteri daşımır, əksinə, Türkiyənin tarixinə dair mühüm tarixi mənbələri özündə cəmləşdirən dəyərli topludur.
Sözügedən kitab elmi-tədqiqat məqsədi üçün mühüm mənbə hesab olunur.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.