Bakının memarlıq incilərindən biri olan Hacı Zeynalabdin Tağıyevin sarayına həsr olunmuş bu açıqcalar toplusu XIX əsrin sonu – XX əsrin əvvəllərində inşa edilmiş nadir memarlıq abidəsinin interyerlərini əks etdirir. 1895–1901-ci illərdə Bakının baş memarı Yozef Qoslavskinin layihəsi əsasında tikilmiş saray mavritan, barokko və modern memarlıq üslublarını özündə birləşdirir. Topluya saray otaqlarının interyerlərini əks etdirən, H. Z. Tağıyevin ailə albomundan seçilmiş fotoşəkillər daxil edilmişdir.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.