Vətən Müharibəsi şəhidi Əli Mahir oğlu Qəmbərov 4 mart 2002-ci ildə Cəlilabad rayonunun Kövüzbulaq kəndində anadan olub. Əli Qəmbərov 27 sentyabr 2020-ci ildə Azərbaycan Silahlı Qüvvələrinin Ermənistan işğalı altında olan ərazilərin azad edilməsi uğrunda başladığı Vətən Müharibəsində iştirak edib, 5 oktyabr 2020-ci ildə Xocavənd ərazisində gedən döyüşlər zamanı qəhrəmancasına şəhid olub. Şəhid Əli Qəmbərov Azərbaycan Respublikasının prezidentinin Sərəncamına əsasən ölümündən sonra “Vətən uğrunda” (2020), “Füzulinin azad olunmasına görə” (2020), “Xocavəndin azad olunmasına görə” (2020) və “Cəsur döyüşçü” (2021) medalları ilə təltif edilib. Şəhid Əli Qəmbərovun Muzeyin Vətən Müharibəsi fondunda qorunan şəxsi əşyalarını (alışqan, pulqabı, üzük və fotoşəkil) təqdim edirik.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.