Hər il 10 mart tarixində Azərbaycanda Milli Teatr Günü qeyd olunur. Bu əlamətdar gün Azərbaycan teatr sənətinin inkişafına töhfə vermiş görkəmli sənətkarların xatirəsini yad etmək, milli teatr ənənələrini yaşatmaq və gələcək nəsillərə çatdırmaq baxımından xüsusi əhəmiyyət daşıyır. Milli Teatr Günü münasibətilə Milli Azərbaycan Tarixi Muzeyi tərəfindən vaxtilə nəşr olunmuş “Bakının teatr həyatı” (Bakı, 2013) adlı kataloqunu təqdim edirik. Nəşrdə muzeyin kolleksiyalarında qorunan fotoşəkillər, afişalar, proqramlar və digər nadir materiallar əsasında Bakının teatr həyatını əks etdirən 870 eksponat təqdim olunur. Bu materiallar teatrların repertuarları, fəaliyyət mərhələləri və müxtəlif dövrlərdə keçirilmiş tədbirlər haqqında maraqlı məlumatlar verir.
Kataloqla keçid vasitəsilə tanış ola bilərsiniz.