7–8 aprel 2026-cı il tarixlərində Bakı Slavyan Universitetində “Birinci Türkoloji Qurultayın 100 illiyinə həsr olunmuş Beynəlxalq Türkoloji Tədqiqatlar Konfransı” keçirilib. Konfransda Milli Azərbaycan Tarixi Muzeyinin Etnoqrafiya elmi-fond şöbəsinin əməkdaşı Fəridə Xəlilova “Qədim Azərbaycan cəmiyyətində qadınların məişət fəaliyyəti və sosial rolu” adlı məruzə ilə çıxış edib. Çıxış zamanı qadının ailə və cəmiyyət həyatındakı rolu tarixi, arxeoloji və etnoqrafik mənbələr əsasında təhlil olunmuşdur. Qədim dövrlərdən etibarən Azərbaycan ərazisində qadınların sosial münasibətlərdə fəal iştirakı maddi və mənəvi dəlillər vasitəsilə təsdiq edilmişdir. Konfransda Azərbaycan, Türkiyə, Qazaxıstan, Qırğızıstan, Özbəkistan, Türkmənistan, Rusiyadan olan tədqiqatçıların məruzələri dinlənilib və geniş müzakirələr aparılıb. Sonda məruzəçilərə sertifikatlar təqdim edilib. Konfrans materiallarının nəşr olunması nəzərdə tutulur.
