22 aprel 2026-cı il tarixində Milli Azərbaycan Tarixi Muzeyində Azərbaycan Kooperasiya Universitetinin “Muzey, arxiv işi və abidələrin qorunması” ixtisası üzrə IV kurs tələbələri üçün seminar təşkil olunub.

Seminarda "Azərbaycan tarixinin elmi tədqiqi və təqdimi" şöbəsinin böyük elmi işçisi, t.ü.f.d., dosent Tural Şiriyev "Ənənəvi Azərbaycan ailəsində qadının rolu" mövzusunda çıxış edərək, tələbələrə ətraflı məlumat verib. Məruzədə qadının ailə münasibətləri və təsərrüfatında, eləcə də ictimai münasibətlərdə rolu ayrı-ayrı tarixi dövrlər üzrə işıqlandırılıb.

Tural Şiriyev, bütövlükdə, cəmiyyətin mənəvi dəyərlərinin formalaşmasında qadının mərkəzi mövqe tutmasını və onun bir postulat rolu oynadığını xüsusi olaraq önə çəkmiş, irəli sürülən müddəaları etnoqrafik və sosial-psixoloji aspektlərdən əsaslandırmışdır.

Məruzə tələbələrin marağına səbəb olub. Məruzəçi tələbələri maraqlandıran sualları ətraflı cavablandırıb.