Mayın 5-də Azərbaycan Dillər Universitetində Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev: Multikulturalizm və tolerantlıq ideologiyası” IX Beynəlxalq elmi konfransı keçirilib. Konfransda muzeyin əməkdaşı, t.ü.f.d. Fatma Qəniyeva “Heydər Əliyev ideologiyası və Azərbaycanın milli identikliyi” mövzusunda məruzə ilə çıxış edib. F. Qəniyeva məruzəsində Ulu Öndər Heydər Əliyevin siyasi fəaliyyəti, azərbaycançılıq ideologiyasının formalaşdırılmasındakı rolu, milli-mənəvi dəyərlərin qorunması və müasir Azərbaycanın milli identikliyinin möhkəmləndirilməsi istiqamətində göstərdiyi xidmətlərdən bəhs edib.

Konfransda Azərbaycanla yanaşı, Türkiyə, Almaniya, Rusiya, Pakistan, Belarus, İtaliya, Moldova, Rumıniya və Özbəkistandan olan tədqiqatçıların məruzələri dinlənilib.

Sonda məruzəçilərə sertifikatlar təqdim olunub. Konfrans materiallarının nəşri nəzərdə tutulub.